THIHNA CHU PEN KHATA HLAAH  CHAUH- Lalnghakmawia Khiangte, Mika Group 
Thih thlengin rinawmin lo awm rawh, tichuan nunna lallukhum ka pe ang che.
Thupuan 2 : 10
 Thi tura hruai te chu chhanchhuak la, thah mai turte chu chhanchhuak thuai rawh.
Thufingte 24 : 11
Ni ropuiah chuan kan thawhlawm te, hmangaihna tawngkam chhuak te, tanpui ngai te kan a\anpui leh hna hahthlak deuh Pathian tana kan thawh \hin te avanga kan lawm turzia te  ngaihtuah hian khawvel kohna hi engvangin nge kan chhan \hin a Pathian kan rinawm lohsan \hin le? He thu tawi te hi rinawm tura insawmna a nih rualin thi tura inpeih Paula kan entawn em?  tih inzawhna a ni.
University-a kan Asst. Professor pakhat, Pathian awm ringlo ho (atheists) zinga mi tihngam chiah loh, mahse a awm ring ve viai viai hian keimahni leh keimahni Pathian kan insiam chawp mai a ni a ti a (25/2/10, 1 : 49 pm, NEHU) Kan khawvel thiamna hi a sang ta lutuk a, mihring theihna leh thiamna ah hian kan inghat nasa ta hle mai. Mahse, mihring thiamna sang tak hian thlarau mamawhna a phuhruk thei si lo. Kristian sakhua te chu British-ho min siamsak mai mai alawm, Hindu leh Muslim te pawhin Vanram an kai ve tho ka ring tih te, inkhawm te chu a tul hleinem, kan inkar a fel phawt chuan tih te, inkhawm chak loh chang leh chak vak lo changa inkhawm thinte hi Lal Isua hmangaihnain an ngengpui a chhun a ni a, meipui atanga meisi pakhat lakchhuah chu reilote-a thi mai \hin a ni tih haider lui ho awmdan te, heng thil hrang hrang avang te leh thlemna hrang hrang avangte in kan rinawm lo \helh \hin.
Thalaite zingah he thil hi a lar ta hle, chu chu ‘Koreanism’ a ni. Tin, hemi rual a lar em em chu naupang te a thihna, beidawnna leh tunlaina te hi a ni.  Thihna te hi a takzia kan hmuhhmaih thin. Tun kum chhunga T.V-a zualko rawn lang ringawt ah pawh hian kum 40 pel lo a thi an va tam em! Mi thenkhat evangelical Christianity sawihnawmtu te n Evangelist ho chu thihna hmangin mi an sawi \haih \hin an ti. Mahse, thihna hi a tak a, kan chunga lo thleng tur a ni tih hi pawm mai a har. (This is a fact and not an illusory, and we cannot deny this fact).
He khawvelah hian thlamuang lovin tumah an hlim ngai lo. Shillonga  Umshyrpi college hnung lawkah hian kawt zawl zau pui mai nei pa pakhat ram nuam tak nei hi a awm a. Primary dept-a kan awm laiin kan naupang pakhat a dam lo a, chumi chu Chawlhni chawhma inkhawm banah zirtirtuten kan kan a. Kan \awng\ai zo chu John-a(damlo) pa nen chuan kan titi a, an piah lawka in ropui nei chu a chanchin te kan sawi a. Chu a thenawmpa chuan zantin mai a mutthilh theih loh thin thu John-a pa chu a hrilh \hin. A rosum it ho misual te a hlauh avangin.Kan khawvel hi a changkang lutuk a, Lal Isua Krista tel lo a inchhekarbawm te chuan thih thlamuanna chu sawi loh, an dam lai pawhin thlamuanna hi an lo lei tel thei awzawng lo mai. 
Thufingin “A bul \an \hat chu a chanve zo tluk a ni” tih kan hre  tawh awm e. A dik thui khawp mai. Lal Isua Krista kan zuina kawngah hian a bul \an \hat a a tawp zawh that pawh a tha. Mahse, vanduaithlakin tan tha, zo \ha lo an awm. Bible hian lal pahnih a bul \an \ha a zo \ha lo leh a bul \an chhia a zo \ha chanchin min hrilh a. Chumi te chu Lal Uzia(II Chro 26)  leh Lal Manasea(II Chro 33) te an ni . Kum 16 mi niin Uzia a lal \an a, Pathianin a chawimawi a, mahse a chapona avangin Pathian a hawisan.  A sual avangin Pathianin a hrem a, a phar. A thihni thlengin a phar. 
Manasea chuan Pathian a tithinrim a, Pathianin Babulonah salah a hruai ta daih mai a ni. Mangang taka a awm lai chuan Lalpa a Pathian chu a au va, A \awng\aina Pathianin a chhang a, Jerusalemah Lalah a dah leh ta a ni. Manasea te ang em a bul \an \ha lo te pawh Pathian pawhin a lo la ngaidam duh fo \hin. Uzia’n a \an \ha a, a tawp chhia. Manasean a \an chhia a, a tawp \ha. Tawp \hat a ropui zawk. Pathian khawngaihna zarah \an \ha a tawp \hat a awm theih bawk.
Tirhkoh Paula tan chuan  thih pawh hlawkna a ni (Phil 1 : 21).  Intihsiakna \ha a bei zo a, intlansiakna kawng a hlen a, rinna chu a vawng reng  a, felna lallukhum chu a tan dahin a awm tawh. (II Tim 4 : 6 - 8). Tirhkoh Paula tan chuan thih kha a hlauhawm reng reng loh. A tan chuan Isua ang chhunga hlim taka a chawlhna hun tur a ni, rinawm taka a thawhrim rah a hmuhna tur hun a ni. Chu chu kan thih dawnah kan sawi ve thei ang em le?  Paula chuan intihsiakna tha a bei a, a hlen ta. Thup 2:10 ‘Thih thlengin rinawmin lo awm rawh, tichuan nunna lallukhum ka pe ang che’ tih kha Paulan a hlen ta. Khawvelah hian rinawm taka Lal Isua kan zui chuan kan mamawh zawng zawng min pek a tiam a, thlarau lam malsawmna leh vanrama kan kal dawn bakah kan tan chawimawina lallukhum Pathianin a dah a ni.
Dam leh thih inkarah pawh retheihna a tam si, nun a va hahthlak thin em. Mi diklo te an sang tual tual a, thik an va awlin eiru te an va nuamsa em! Mahse, Lal Isua tel lova nun thlangtute chuLal Isua tel lovin an thi a, Lal Isua tel lohna kuangah an zalh a, Lal Isua tel lohna thlanah an phum a.. Lal Isua tel lohna chatuan hmunah an liam vawn vawn thin. He Lal Isua telloa thihna ngei hi alawm thihna avanga zawhna tam tak zawt a, pitar leh putar thi te chu mak ti lo a, naupang zawk te an thi phuk phuk mai mak ti em em tu D. L .Moody-a chuan ‘HOW  DARK!  HOW  DARK!’ a lo tih ngei chu.
English poets W.B Yeats-a poem ‘An Irish Airman Foresees his Death’ chuan thihna luiral kam mawi taka kan dina thihna chu pen khat chauha hla a nih tawh chuan khawvela ropuina leh lalna zawnga kan indo thin te hi a lo va ho em a ti.  A ni, kei ni ngei pawh hi thihna luiral ah thihna chu pen khat leka hla a kan hnaih hunah chuan ‘Guiness World Records te hi a lo va ho dawn em, corruption tuihang kan lo hawp thin te hi a lo va ho em, Lal Isua kan tawk dawn nge dawn lo tih chu a pawimawh ber a ni awm si a. Paula chu thi dawn se a zam lo, chhandamtu a tawk dawn a, mahse a \ul anih phawt chuan rinawm taka Krista rawngbawl leh a duhzawng tih chu a ning chuang lo.
Jordan lui kamah ka ding a,
Nghakhlel takin ka thlir;
Kanan ram nuam lam chu ka thlir, 
Ka chatuan hmun tur chu.
   Evangelical khawvel-a thuhril lamah chuan 1945 khan USA-ah mi pathum ‘Rookie of the year’ tih awma mawi thiau mai an lo chhuak a. chungte chu Billy Graham-a kum 27 mi, a pahnihna chu a rualpui kum 27 mi bawk Chuck Templeton-a, a pathumna chu kum 25 mi, hmel\ha, thusawi thiam Bran Clifford-a a ni a. Vawiiniah hian khawvelin Bran Clifford leh Chuck Templeton a hre miah lo, a ngaihzawng pahnih Emily leh Pauline ten an hnawl avanga ‘Lalpa, I thu hi thuhril hmanga puang tura min duh chuan ka inpe e’ titu chuan rinawm takin a bei a, Lalber thupek chu a zawm lo ngam lova, liberal theologian Chuck Templeton-an nasa taka a beih lai pawhin Billy Graham chuanlawmman pek tur chu a thlir fo thin a, tunge a nih i hria e. 
English evangelist  Roy Hession chuan ‘Chanchin\ha hi meidilah pawh ka hril ang, a sa hi ka tuar thei anih phawt chuan’, (I will preach the gospel in hell if I could stand the heat). Thi tura hruai mek leh chhanchhuah ngai kan branch ah hian an va tam em!! Dec ni 23, 2010 krismas hla kan zir a kan ban dawn a Tv. Aramliana tawngtaina kha ka rilru ah a la cham reng, he \awng\aina hian rinawm turin nang leh kei min sawm e. Hla zirna hun \ha tak kan neih avanga lawmthu a sawi zawhin kan haw kawng theuhah min veng turin a dil a, chumi hnuah chuan he thu hi a chham chhuak a… “ Lalpa, khawvel ropuina zawng zawng kalsana nangmah zui zel thei turin I thlarauvin min tanpui leh theuh ang che…” Thihna chu pen khat chauha hlaa kan hmachhawn laiin thih thlamuanna kan nei thei angem le?. Kan lo \an \ha lo a ni thei e, mahse kan tawp \ha thei. Thih thlengin rinawmin lo awm rawh, tichuan nunna lallukhum ka pe ang che Biblein a ti.

TAHNA RUAMA TUIHNA THAR - Zochhuanawma, Nahuma Group
Tahna ruam chu an zawhin tuihna awmnate an siam \hin a (Sam84:6)
Judate chuan Jerusalem hi an ngaina em em a, an Kut pawimawh a lo thlen apiangin an tlawh ngei ngei \hin. Chutah chuan Temple  awm a, chutah chauh chuan PATHIAN hi awmin an ring a, an Temple awmna tlang chu ZION TLANG tiin an vuah a Pathian Tlang tiin an ko bawk \hin .Jerusalem an panna kawngah hian  ‘Baca ruam’ a awm a, a awmhmun tak hi hriat theih a ni tawh lova, Jerusalem pan a kal khualzin te chuan he ruam hi an paltlang ngei ngei \hin . Helna kawng dang a  awmlo a ni awm e.Chu ruam chu thlaler ramro a nih avangin  a lum em em a, tui a awm lo a, Balsan thing bawrchhawr tete chauh awmna hmun a ni. Hebrai \awng chuan helai hmun hi ‘EMEK BACA’ an ti a, chu chu ‘Mittui tlakna ruam’ tiin an sawi bawk thin . Hemi ruamah hian khualzinte an chau thei hle \hin a ni; tui an mamawh a, chawlhna daihhlim an ngai \hin . An tha a zawi ngawih ngawih a, hmalam pan zel an huphurh a, kir leh mai duh rum rum changte pawh an nei a ni awm e. Amaherawhchu, chutia an chauh lai tak a an infuihna thu chu ,”Nakinah chuan Zion khawpui kan thleng ang a, chutah chuan he \ahna ruam a kan lungngaihna  hi hlimna leh lawmna hmunah  a la chang dawn a ni.” tiin an inhnem \hin . Hlimna ruam(Bera chah) thlen hun thlir reng chungin hmalam an pan hram hram \hin a ni.
Keini Kristiante pawhin  Van Jerusalem thar Zion khawpui kan panna kawngah hian he \ahna ruam hi paltlang ngei ngei a \ul ve \hin a. Chutah chuan kan lawmnate leh hlimna tuihna a kang a, kan phurna leh tuina a lo chuai zova, kan chau ngawih ngawih \hin a ni. Hemi ruamah hian \awng\ai leh inkhawm kan peihlo ngawih ngawih a, chhandamna kan ringhlel rum rum a, kohhran ngei pawh kan hmu khawro zo \hin. He \ahna ruam a \ang hian  hmalam kan han thlir a, a ro tawlh tawlh dawn in  kan hria a, kan kalsan tawh lam kan han thlir kir erawh chuan  a lo hring dup mai si \hin.
He \ahna ruam hi nangmah chauhin i zawh lova, Kristian zawng zawngin an zawh a ni. Chumi a nih avang chuan tun a i hun tawn mekah khan, harsat -manganna, \ahnate emaw nun khawro ngawih ngawihnate pawh ilo tawk mek pawh a ni thei e. Chu \ahna ruam a tuihna awm , LAL ISUA ngei kha nei turin i nunah senglutin lalberah thlang  zel la . A ni chuan Samari hmeichhe hnen a a pek, Nunna Tui (Johana 4:14) ngei kha i nunah a luanluhtir \hin ang. Chuvangin , keini kristiante hi kan nitin hun  hmanna apiangah LAL ISUA hnenah i tlulut zel ang u. 

Branch Committee a thu (Kumin chhungin Music Video Siam Dawn)

Kumin chhunga a vawi thumna atan ni 1.3.2011 zan khan Kohhran Committee Roomah Chanmari West Branch KTP chuan committee meeting a nei a. Branch hmalakna hrang hrang thlir letin ruahmanna hrang hrang an duang.
Group \henkhat atang a minute extract an dawnte chhiarchhuah a niin group leh group te sumtuakna chung chang a an indawr tawnna copy te dawn ani bawk. Minute extract taima tak a pek zel tur a nih thu leh group leh group te lehkha hmang a an indawr tawn \hin chu a mawiin zawngchhangtlak hlein committee chuan a hria. 
Thurel tlangpui:
Blood Donation Camp : Silver Jubillee puala  blood donation camp neih ni tur a ruahmanna hmasa( 12.2.2011) a rem tak loh avangin ni 25.6.2011  a neih tur a ruahman a ni. He hun a thisen pe ve thei ngei tur hian memberte a   theih ang ang lo inbuatsaih turi committee chuan  a beisei .
Group inkhawm \ha lawmman pek   : Kumin chhungin percentage-a laka Group inkhawm tha ber hnenah lawmman atan Rs 200/- pek thin tur a rel a niin , February thla a\ang a pek \an tur a ni. 
Solfa zir :  Kan member tam zawk ten solfa  kan thiam theih ngei na turin Solfa zirna hun siam ngei nise Branch Committee chuan a ti a. A hun atan chuan ni 21,22 & 24 March, 2011 zan nise tih a ni a. Zirtirtu atan chuan TV H.Lal\hazuala, Nahuma Group a ni ang. K|P leh kohhran tan thil tangkai tak anih committee chuan a beisei. Member a tam thei ang ber kal turin committee chuan a beisei a ni.
Music Video :  Kumin chhungin  a remchan chuan Zaipawl Music Video siam ngei tum nise, ruahmanna lo siamturin conductorte ruat nghal a ni. Kohhran Zaipawl Music Video hi kan siam thei a nih chuan a \umkhatna tur a ni dawn a, kan kohhran chanchin(History)  a lungphun pawimawh pakhat anih ngei hmel a ni. 
2011 Year Plan : Kumin chhung atan a Year Plan  committee chuan a duang  nghal  bawk a ni.
January : Bial K|P Conference, Secretaries & Accounts Training,  Member thar lawm
February : Fakna Inkhawm
March : Solfa Zir
April : KTP Night, Group Hruaitu inkawm khawm, Branch  hruaitu Retreat.
May : Youth Programme / Teenage Night, K|P Sports, Member inkhawm kim.
June : Blood Donation Camp
July : Missionary Challenge Night
August : Branch dang tlawh
September : Beihrual thla
October : Zaipawl sawm, Member inkhawm kim, Branch hruaitu member tlawhchhuah
November : K|P Night
December : Gospel Concert

KHAWNGAIHNA LIAU LIAU (Rom 4:5; 11:6)

- Lalhmunmawia Pachuau

Thuthlung Hluiah Juda ho chu an sual tlenfai n^n Pathian hn>nah beram no hm>lhemlo hmangin an inthawi \hin a, an sual chu ngaihdamsak an ni. Thuthlung Tharah chuan Beram No hm>lhemlo leh sual kai lo ISUA KRISTA chuan kan sual chu a kalpui a (Joh 1:29), ngaihdam kan ni (Rom 3:21-25).
Chhandamna chu mihring lam thawhchhuah a ni lova; Pathian khawngaihna liau liau a ni (Eph 2:8). Khawngaihna min chantîrtu chu kan thiamchanna a ni tih hre lova mahni lam kan inen chuan a fuh mawh hle. Pathian duhz^wng ti ve riauva kan inhriat ch^ngin kan ngaih a \ha mai ang a, kan tih \hat kan chhuang z^wk hlauh thei.
Chhandamna chu kan thawhchhuah theih a ni lo. A man p>k t<r ni ta sela tu mihring mah hian kan pe s>ng d^wn lo. Pathian meuh thihna avanga awm chauh a ni! Kan \hatna lai ber pawhin chhandamna a hlawhchhuak zo lova, chu chu hriain Pathian chuan a thl^wnin min pe ringawt mai a ni. A nihna takah chuan a man a to lutuk a, a man p>k t<r kan nei daih d^wn lova, a thl^wnin min pe a ni. Chu chu khawngaihna v^wrt^wp a ni. Mi fello te chu chhandam kan nih av^ngin “Ka awm angin ka lo kal ang” (KHB 368) tih hla pawh kan sa ngam a ni. Kan Pathian thu chuan kan thil tih ang \heuhva ror>lsak tur kan nihzia leh thil \ha ti fan fan te t^n chatuan nunna a tiam tih kan hmu a (Rom 2:6-7). Nimahsela, thil \ha tih avanga thiam chang ph^k t<mah kan awm loh av^ngin Pathian khawngaihna kan mamawh a ni.
Kan rinna chuan ngaihdamna a hlawhchhuak zo lova; mahse, Isua avanga ngaihdam kan ni tih erawh kan ring nghet tlat thung a, amahah chuan kan innghat a ni. Chu tak chu “Ring thei” kan nihzia ti chiangtu pawh a ni (Rom 3:22; 5:1; 9:30; Gal 2:16, etc.). Chumi pawm lo chuan chhandamna a pawm lo a ni. T^n in a\anga Paula leh Sila an chhuah hnu pawh kh^n t^ng v>ngtu mangang kh^n chhandama a awm theih dân t<r a z^wt a, Isua a rin chuan ani leh a chh<ngte chu chhandama an awm t<r thu an hrilh (Tirh 16:31). Ngaihdamna ringhlel chuan “Isua, Pathian Beramno kha a thiin a tho leh ngei em?” tih ngaihtuah sela, a lo thi ngei a, a tho leh a ni tih a hmuh chhuah si chuan a ringhlel ngai tawh hauh lovang. 
Khawngaihna chuan mihringte min kal khalh: Khawngaihna mamawh kan ni tih kan inhriat hma daihin Pathian chuan min khawngaih tawh a, ama lam kan hawi theihna t<rin duhthlanna zal>n min neihtir a, Thlarau Thianghlim hmangin min s^wm.
A khawngaihnaa min dawm loh chuan kan thinlung chu a bawlhhlawh si a (Jer 17:9), amah kan til^wm zo lo a ni (Rom 8:7-8). Chuvang chuan a khawngaihna av^ngin min siam thar a, chu chu piangthar kan tih mai hi a ni.
Hemi hn<ah meuh hi chuan a duh d^n chu kan lo hrethiam chho ta a, amah nen kan thawkho thei ta a ni.
Hetah zet hi chuan thil tih avanga thiam chan tum ni si lovin, chhandam kan nih tawh z^wk av^ngin Pathian duh d^n chauhva nun kan duh ta \hin a (Eph 2:10). Kan sual kan sim a, kan nun pumpui chu chhandam kan nih avanga Pathian hnena l^wmthu sawin^n kan hl^n ta z^wk a ni. Tupawh, khawngaihna hmu fiah chuan thil \ha tih a ngaihthah phal ngai lova, rawngbawlna pawh a ngai pawimawh hle \hin. Thlahtu bul bawhchhiatna laka chhanchhuah (chhandam tawh) kan nih hnuah, nitin kan nunah chhandam zel kan ni a (chhandam mek), chhandam lehzel tur pawh kan ni (chhandam tur). Chutiang chhandamna tluantling chu Pathian kutah chauh a awm.
Lal Isuan awlsam takin chhandamna hi a rawn thawk chhuak hauh lova; mihring nihna zawng zawng luhchhuakin hrehawm tam tak a tuar kha. Hrehawm chi hrang hrang Isuan a rawn tuar kha a ropui lai ber a ni lova, a ropui leh kan t^na l^wmawm lai tak chu kan tih theih loh – chhandamna min rawn thlen hi a ni. Mi sual thiam chantîrtu chu miin a rin chuan thil tih v^ng ni lovin rinna av^nga mi fela pawm a lo ni zawk si a (Rom 4:5). Chutiang taka ui lova khawngaihna min petu Pathian chu fakin awm rawh se.

Pathian nena lendun - Upa L.H. Rohmingliana
1. Engvangin nge he thu hi Pathian mite hnenah puan a nih? :
Pathian mi Israelte khan Pathian biaknaa an tih\hin pangngai inthawinate an hlan mup mup reng a, mahse a hlantute kha Pathian nen an lengdun si lova, thil chu an ti nasa a, a titute nun Lalpan a chang si lova, khawvelin a chang zawk tlat a ni. Pathian kiangah an awm peih si lova, an thinlung ngaihtuahna pawh khawvel thilin a khat si a ni. Chuvang chuan Pathianin ‘Thilpeka tlawn lungawi chi ka ni lo; Bawng no kum khat mi, Berampa sang emaw Hriak lui sing emaw hlan ngawt hi ka lawmna a ni lo, chung zawng zawng chu ka nei vek, ka ta a ni si. A hlantu nangmah ngei kha chan pumhlum che ka duh a, I lengdun teh ang’ a ti a ni. Keini ho pawh hi Pathian tan thil kan ti nasain tih tur tha thar pawh kan hre thei, thil lawmawm tak pawh a ni. Amaherawhchu kan nun Pathianin a chang si lova. Pathian lak atangin kan hla si a, lendun pui turin min ko thar leh ta a nih hi!
2. Enge lendun awmzia chu? :
A chhanna chu ‘Pathian nen kal dun, engkim ti dun,’ tih a ni mai. Chu tak chu Pathian min siam chhan leh min chhandam chhan a ni. Keini hian Pathian tel lo programme kan siam fova, chu mai ni lovin kan thiltihnaah Pathian hi hnawksak kan ti leh tlat mai \hin a nih hi! Ringtua inchhal Pathian bula awm peih lo, a aw ngaithla peih lo, a duh zawng tih peih lo leh tih pawh tum lo kan va tam em! Hla phuahtu chuan ‘Kan lengdun thin, kan inkawm thin, nun kawng zim takah hian,’ a lo ti a. Chu mai a ni lo Lalpa kianga awm hi a ngenin an ngen zawk a - ‘Lalpa, chak lo mah ila, nangma hnena awm zel hi, Aw Isu I phal lawm ni? Phal mai rawh,’ an ti lawm lawm zawk asin! Hawh u ‘Lalpa I tel lo chuan,’ ‘Nangmah nen zel aw,’ i ti ve ang u.
3. Kristian nun chu Pathian pawl nun a ni :
Pangpar chu leiah zung a kaih a, pawn lamah a lo par chhuak thin a, ringtu nun chu Pathian pawlin pawn lamah a nung chhuak \hin. Mosia chuan Pathian a pawl a, chumi zar chu Israel mipui ten an zo. Tuihal ten in tur an hmu a, riltam ten ei tur an dawng bawk a, khang zawng zawngah khan Mosia Pathian nen an lendun zar mipuiten an zo a ni. Tunlai Kristian rawngbawltute hi Pathian nen kan len dun zar khawvelin zo ve rawh se.
Tunge sual hneh thin? :
Josepha, Pathian nena lengdun reng khan tisa chakna sual a hneh. Engvangin nge hurna ah te, hleprukna sualah te leh Pathian duh loh zawnga kan inhman leh \hin? Hnehtu Lalpa kianga kan awm loh vang a ni. Sual hneh kan duh chuan Pathian nen leng dun ang u.
4. Tute nge Vanah a hruai? :
Elija, Pathian bula awm reng kha (I Lalte 17:1) ‘A bula ka awm \hinna Lalpa,’ a ti \hin a ni. Enoka, kum 300 Pathian kianga awm peihte kha (Gen. 5:22-24; Heb. 11:5). Keini zawng Pathian bulah kan awm peih lo em a ni. He leiah pawh Pathian bula awm peih lote hi vanah hruai kan ni lo palh ang e, i hlau ang u.
Tute nge Pathianin a hman \hin? :
Ama kianga awm peihte a hmang \hin. Elisa rawngbawlna a hrei fang tuia ti tla chhar sak leh a nih khan thingtuai a hmang a, kha thingtuai kha thing tha bik (special) a ni lo. Mahse hman theihin a lo awm hnai a, Zawlnei khan a hmang mai a nih kha! Pathian pawh hian hman theih, a bula awm peihte a hmang mai \hin a ni. Zei te, thiam te leh hriat tam te pawh a \ha em em a, Pathianin a duh erawh chu hman theih, awm hnai peihte an ni. Mi fing pawh, mi mawl pawh hman theiha Lalpa nena leng dun peih apiangte a hmang mai \hin a ni. A hman theih turin i hnai ang u. 
5. Lendun puia min sawm hi khawngaihna a ni :
Mihringte chuan kan aia sual leh \awp deuhte chu an kianga awm kan peih lo fo. Khawvela mi ropui leh mi lian ten chenpui atan min sawm lo, Pathian erawh chuan keini misual leh tling lote hi a kiangah, a bula awma lendun puiah min iai ve reng reng lo. Hei tak hi ‘Pathian Khawngaihna’ chu a ni. Tin, Pathiana thil\ha kan mamawh zawng zawngte hi ralkhat chan a ni lova, heng - pianthar, harhthar, ngaihdamna te hi ama hnena awm chilha chan vek a ni (Joh. 5:39, 40; Heb. 7:25). Khawngaihna dawng tura min sawmtu Pathian hnenah i awm reng ang u. 
Lalpan a thu malsawm rawh se.

Vanram      -Tetea

A kal tawh/hmu tawh ten nuam an tih leh kal leh thuai thuai an chak em em, a la hmu lo ten a awm dan suangtuah har kan tih hle si, duh duh tana kal theih mahse kal theih dan chu kawng khat chauh ni si, Kristian zawng zawng ten kal kan tum vekna hmun Vanram hian engtinnge kan nunah pawimawhna a neih kan chhut ngai em? Thih hnu chauha kalna tur a nih avangin \halai tam zawk hi chuan kum upa zawk te chauhvin an ngaihtuah tur leh khawvel chhuahsan dawn hnaiha inthlamuanna tur, mi lungleng thei deuhte leh hlaphuah thiamten an inhnemna tur satliah ni maia ngai kan tam hle niin a hriat. Chuvangin he thih hnu piah lam ram, vanram hi heti zawng hian i han chai ho dawn teh ang.
Khawia awm nge? : Vanram awmna hi kan Bible in min hrilh dan chuan Vanah tih zawng hi a ni mai a. Hmun bik nei, chunglama awm ni tura ngaihdan hi kan pawmtlan vek dan chu a ni awm e. Hei hi Judate ngaihdan leh pawm dan pawh a ni bawk a, Thuthlung thar thlir dan pawh a ni. Zirtu \henkhatte erawh chuan Isaia 14 tlawhchhanin hmar arsi piah lama awm niin an ngai. Vanram chu khawvel piahlama Pathian  chenna hmun, nakina ringtute kalna tur hmun a ni tih kan hriat rualin Pathian thu vekin he khawvela kan chan leh tem lawk theih a ni tih min hrilh bawk (Phil.3:20) tih hi hriat tel a \ha awm e. 
Eng tiat nge ni? :  Vanram len zawng chu a hmutawh intite sawidan hi kan hriat chu a ni mai a, a zau zawng leh awmdan an sawi lah hi inanga sawi an vang hle lehnghal a, an sawi inang tlangpui thin erawhchu, Vanram chu a zau lutuk a, an thawl hle a ni tih hi a ni awm e, A zau zawng sawina chiang tak a kan hmuh chu Thupuan bu a mi hi a ni mai a (Thup.21: 16). Heta a in ziahdan hi chuan a dung, a vang leh a san zawng fing 12000 (Km 2,400 bial tihna) a ni. London khawpui chu Km.25 bial vel a ni a, mihring maktaduai 8 leh tlem an awm an ti. Chuvangin, Vanram a mihring len tam tur zia chu chhut thiam phak bak hial a ni awm e.
Vanramah chuan eng nge awm lo? Vanramah chuan mittui zawng zawng a hul vek tawh ang a. Thihna a awm leh tawh lovang a,lungngaihte, tahnate, natnate pawh a awm tawh lo va (Thup.21:4). Biakin reng reng a awm lova, Lalpa Pathian Engkimtitheia leh Beram No chu an Biakin a ni. Khua chuan a en turin ni leh thla eng a ngai tawh lo va; Pathian ropuina chuan a en a, an khawnvar pawh Beramno a ni (21:23). Zan khawthim a awm tawh lovang a; thil bawlhhlawh reng reng a awm tawh lovang. Thil tenawm titute, dawt hmangte pawh an awm lovang a (21:25-27) Anchhia reng reng a awm tawh lo ang(22:3). 
Heng hlawmthum kan han tarlan atang hian kan sawitum chu a lang uar tawhin a rinawm, Ringtute (a bikin \halaite) rilruah Vanram ngaihtuahna hian hmun thuk zawkin chang thei sela chuan Pathian tan nun serhhran leh nunnghehna hi kan nei ngei ang. Vanram ngaitu ringtu nunah chuan van nawmna temlawkin Pathian chenchilh nun hi an nei thin. He ram hrechiangtu hi chuan a zuah em avang leh mihring kan len hnem em avangin ringlo mite pawh thahnem ngai takin lut ve turin an sawm thin a, a nawmzia an hriatchianna avangin he leiah hian duhamna leh pamhamna an nei ve tawh ngai lo a Van hmun chan loh hlauhna avangin khawvel thil te hian an inti chhe ve tawh ngai lo. Chuvangin, Vanram kan kal \heuhna turin Vanram ngaihtuahna hian kan nun hi luahkhah tir ang u.

Chanmari West Branch Committee Vawi 492-na Thurel Tlangpui

Chanmari West Branch Kristian |halai Pawl Committee Vawi 492-na, kum 2011 chhunga a vawi 2-na chu ni 1.2.2011 (Thawhlehni) zan dar 6:30 khan Kohhran Hall ah neih a ni a, kumin chhunga Branch hmalakna tur pawimawh hrang hrang an rel. An thurel tlangpui chu hetiang hi a ni.
1. Blood Donation Camp neih ngei ni se tiin a rel a. A hun atan ni 12 Febuary, 2011(Inrinni) ruahman chhin phawt a ni a, hei hi a remchang lo a nih chuan June thla hun remchang dap mai ni se, Member zawng zawng hnenah sawmna sem ngei ni bawk se tih a ni.
2. Kum 2011 K|P Rorel Palai atan kan Branch aiawhin Pu Lalrinawma, Fin. Secretry chu lungrual taka ruat a ni
3. Programme Committee, Property & Decoration Committee leh Evangelism Committee te hnen a\angin kumin chhunga kal dan tur hrang hrang an ruahman te thlirho a ni a, \ha tlangpuia ngaih a ni. Amaherawhchu, an thil thlen te anga hma lak a nih  dawnah leh sum hmanna tur a awm a nih chuan Branch Committee hriattir \hin ni se tiin rel a ni.
4. Kum 2011 chhunga member list te enho a ni a, siam\hat ngai laite siam\hat a ni bawk.
Heng bakah hian Branch hmalakna te thlirlet a ni a. Ni 21-23 January, 2011 chhunga kan Branch in Bial conference hlawhtling takin kan thleng thei a. Heng a\ang hian \anpuina dawn a ni a, a lawmawm hle
i) Bial K|P - Rs. 4000.00
ii) Chanmari Branch - Rs. 2000.00
iii) Edenthar Branch - Rs. 500.00

KOHHRAN UPA THAR KAN NEI TA
Ruahman lawk angin Ni 30.1.2011 khan kohhran upa thlan a ni a, Presbytery in pathum thlan min phalsak laiin Pakhat kan thlang chhuak thei a ni. Kan duh ang zat thlangchhuak zo lo mah ila upa pakhat kan neih belh theih hi a lawmawm tak zet a ni. Kohhran upa thlan hi a namai lo hle a, a thlang thei tur khawp mipui kan kalkhawm thei kha a lawmawm a, chutih rual chuan kohhran mipuite pawhin kan tih tur kan hriat thar deuh deuh a pawimawh viau awm e. 
Bible ah chuan heti hian a inziak a, “Chutiang bawkin Kohhranho rawngbawltute chu mi zahawm an ni tur a ni; kamtam te, uain heh te, hlepna bawlhhlawha duham mi te an ni tur a ni lo; chhia leh tha hriatna thiangin rinna thuruk chu pawm mi   an ni zawk tur a ni” - (1 Tim 3: 8 ff.) tiin. Kohhran Upa dinhmun hi a namai lo hle a, an kova mawhphurhna tla hi mihring tha a hlen chhuah mai chi a ni lo tih kohhran mipuiten hriatpui ila, tisa leh thlarau a chakna an neih zel theih nan bang lova kan \awng\ai pui zel an ngai a  ni.  
Kan thlanchhuah tak T/upa Zothangzuala Chhangte hian KTP lamah chuan hnuhma a nei hrawl hle a. Kan Branch K|P ah kum sawm teh meuh OB niin , kum 2010  chhung khan leader a ni nghe nghe . Tunah hian Tual Upa  niin Central K|P ah Committee member a ni bawk a ni.