KOHHRAN UPA PATHUM THLANG DAWN
Vawiin chawhma inkhawmah hian Kohhran Upa thlan tur a ni a, Upa thlan hi kan tih tur a ni tih hriain Kohhran mipuiten inkhawm \heuh i tum ang u.
Kohhran Upa thlan hi thil awlsam a ni lova. Kohhran committee chuan Upa kan mamawhna  Bial Committee ah thlenin, Bial Committee chuan Presbytery ah thlen chhawng lehin Presbytery chuan Upa pathum thlan min phalsak ta a ni. Kohhran Upa thlang tur hian Kohhran member dan zawh kim chanve inkhawm tlin ngei ngei a ngai a. Tin, thlan chhuah turte pawh a thlangtu zawng zawng hmun thuma \hena hmun hnihin an thlan ngei ngei a ngai bawk.
Kohhran mipuiten Pathian rawn chungin Kohhran Upa a tan a tha kan tih Mi Pathum thlan chhuah mai tur a ni a. Tam tak chuan Biak In thlen hnuah te an ngaihtuah chawp \hin niawm tak a ni. Biak  In a ngaihtuah chawp ngai lo turin mahni inlamah uluk taka Pathian rawn a \awng\ai hi kan tih tur a ni. Tin mi chungah mawhphurhna rit tak kan nghat dawn a ni tih hria ila. Hun \henkhatah chuan uanthuan nana hmang te pawh an awm nia sawi a awm \hin, hei hi kan tih loh tawp tur a ni tih hre thar leh \heuh ang u. 
Upate hi damchhung atana thlan  an ni a. Kohhran hoten Pathian rawng kan bawlnaa a sulsutu, kan damloh leh kan mangan  ni a Pathian hnena  min \awng\aisak  \hin tur an ni a, fiamthu nan a hman mai mai chi a ni lo tih hriat a tha. Chuvang chuan tun \uma upa kan thlan turah pawh hian mi tinin kan pawimawhna hriain Pathian mi ruat kan thlan chhuah theih nan i inbuatsaih ang u.

Bial KTP Conference Vawi 36-na Hman Mek A Ni

Chanmari Pastor Bial KTP Conference Vawi 36-na chu ni 21-23 January, 2011 chhung hian kan kohhran Biak Inah neih mek a ni. Conference ah hian thlarau lam thupui atan “Tunlai Thil Awmzia” tih hman a ni a, Speaker atan Rev. Lalchungnunga, Lecturer ATC hman a ni. Pathianni Chawhma leh Chawhnu inkhawmah Speaker-in thupui a sawi ang a, Zan inkhawmah Leader T. Upa Zionparlawma’n thu a sawi bawk ang.
Ni 22.1.2011 (Inrinni) nilengin palaiten ro an rel a. Nakkum Bial Conference chu ni 20 - 22 January. 2010 chhungin Chanmari Kohhran Biak Inah neih tura tih a ni a, Thlarau lam thupuiah “Thlarau Thianghlim” tih hman a ni ang a, Speaker atan Rev. K Lalrosiama beisei a ni bawk.
Thurel tlangpui hetiang hi a ni :
1. “Central K|P in kumpuan a neih \hin hi ennawn ni rawh se” tih Chanmari Branch a\anga lut chu Central K|P ah kal zel tura tih a ni.
2. K|P Diamond Jubilee 2014 a lo thleng tur hi rampum huap lawm a nih theih nan Central K|P in hma la rawh se” tih Chanmari West Brancha \anga lut chu sawifiah a nih hnuah sawi zui lovin Central K|P a kal zel tura tih a ni.
3. “Cental K|P hruaitu zingah hmeichhia pakhat (1) tal an tel zel theih nan Central K|P in hma la rawh se” tih Bial Committee a\anga lut chu a thehlut tute a\anga sawifiah a nih hnuah uluk taka sawiho a ni a, Central K|P ah kal zel tura tih a ni.
4. “Kristian chhungkaw dinna kawngah Central K|P in chak takin hma la rawh se” tih Chanmari West Branch a\anga lut chu uluk taka ngaihtuah a nih hnuah Central K|P ah kal zel tura tih a ni. 
5. “Bial K|P Advanced Christmas kan hnam nawn hi en\hat ni rawh se” tih Chanmari Branch a\anga lut chu uluk taka sawiho a nih hnuah lungrual taka pass a ni.
6. “Bial Musical Meet leh Advanced christmas kan hman \hin hi hman tawh loh ni rawh se” tih Edentar Branch a\anga lut chu kan sawi hona hi tawk se tia rel a ni.
7. “Kan Bial chhunga K|P member, bible chhiar chhuakte hnenah Bial K|P-in lawmpuina pe \hin rawh se” tih Chanmari West Branch a\anga lut chu “Kum khat chhunga Bible chhiar chhuak” tia siamremin pass a ni.
8. “Bial K|P huap Bible Exam kan neih \hin hi chhunzawm ni rawh se” tih Chanmari Branch a\anga lut chu lungrual taka pass a ni.
9. “Bial K|P hmingin miharsate \anpui leh ni rawh se” tih Bial Committee a\anga lut chu lungrual taka pass a ni
10. “Missionary panga (5) kan chawm mek hi chhunzawm ni rawh se”  tih  Chanmari Branch a\anga lut chu uluk taka sawi hova pawm a ni.
Kum 2011-2012 chhunga Bial K|P hruaitu atan heng mite hi thlan chhuah an ni bawk :
Leader         : T.Upa Zionparlawma, Chanmari Branch
Asst. Leader : Pu Vanlalbera, Chanmari West Branch
Secretary         : Pu Zosangliana, Chanmari Branch
Asst. Secretary : Pu Rodingliana Tochhawng, Chanmari West Branch
Treasurer         : Pu Chhawnsanga, Edenthar Branch
Fin Secretary : Pu Lalsawmkima, Chanmari Branch