Will Graham Crusade Mizoram 2012
Will Graham Crusade chu Ningani (Feb. 16) a\angin Joint YMA Field, Vaivakawnah neih \an a ni ta. Ni 16.2.2012 zanah hian Pandal hlanna inkhawm neih a ni. Mizoram Sorkar-in Will Graham-a leh a Team te sorkar khual \ha (stateguests) angin a lo mikhual a, Will Graham-a thuchah Mizo \awnga lettu (translator) chu Rev. David Lalramliana Ralte a ni. He Crusade Inkhawm hi Mizo taka kalpui mek a ni a, Crusade Inkhawm hi Synod Information & Publicity (Synfo), LPS Vision leh Zonet Cable TV te \angkawpin Live-in an pe chhuak \hin bawk. Feb.17 chawhnuah Kohhran Hmeichhe Pual inkhawm a awm a, zan lamah Vantlang Pathian biak inkhawm neih a ni leh bawk. Feb. 18, Inrinni chawhnuah |halai Pual inkhawm neih a ni a, zan lamah Vantlang Pathian biak inkhawm awmin Feb. 19, Pathianni chawhnu leh zanah inkhawm a awm leh ang.
K|P General Conference inbuatsaihna
KTP General Conferece vawi 54-na, March 1 - 4, 2012 a neih tur thlengtu Thenzawl inbuatsaihna tluang takin a kal
zel a. Central KTP Committee pawh Feb.15 khan zing dar 6:30 atangin Synod Com.Room No.1-ah nilengin an \hu khawm. Thu pawimawh ngaihtuah te chu:-
1. Bial 55 a\angin Agenda 78 lut a awm a.Agenda te hi Floor-a chhawp chhuah tur, Dan leh Inkaihhruaina lam khawih, inhrilhfiah tur leh bawhzui remchang lo tih tawp mai chi te thliar fel a ni.
2. Kum 2014-a KTP General Conference vawi 55-na thlen dil pathum, Kolasib, Khawzawl leh Darlawn te an awm a. Thlengtu tur chungchang hi ngaihtuah a ni a, General Conference rorelna hmunah la puan chhuah tur a ni.
3. Kum 2012 - 2014 chhunga Central KTP Committee member atana thlan awm mi; Aizawl khawpui chhung Bial
34 atangin Bial tinin mi 3 \heuh an theh lut a. Bial tin a\angin mi pakhat theuh Nominee atan Committee-in a thlang leh a, nomination a tel mi 34 te a\ang hian Inkhawmpui rorel palai ten mi 18 Secret Ballot-in Central Committee member tur an thlang chhuak leh ang a, thlanchhuahte atangin Office Bearers chanvo insiamrem leh a ni ang.
