Oliver Cromwell-a secretary kha vawi khat chu khawmualpui dangah sorkar thil pawimawh ti turin a puin a tir a. Zan lamah chuan a thiltih tur hrang hrang leh hlawhchham a pawi dan turte ngaihtuahin a muhil thei hauh lo mai a, a tirhchhiah hruai lah chu tui tak hian a muhil bawrh bawrh mai a.
A tawpah chuan a pu zawk chuan a kai tho ta nge nge a, “Thil a kaltluang lovang tih ka hlauthawng em em mai a, ka muhil thei thlawt lo a ni” tiin tirhchhiah chu a hrilh a.
Tirhchhiah chuan, “ Ka pu, thil pakhat chauh, pahnih pawh a ni mai thei, ka zawh che i remti em?” a ti a.
Secretary chuan “Teh reng mai”a ti mai a. “Pathian hian kan pian ve hma khan ro a rel \an daih tawh em?”
“Leilung pian tirh a\ang a rel \an daih tawh alawm”
“A nih leh kan thih hnuah a la rel zel ang em?”
“Tehreng mai, a la rel zel ang”
“A nih chuan ka pu, tuna i thiltih tur pawh hi Pathian rel turin i dah thei lovem ni?”
Secretary chu a harh chhuak hlawl a, a hna chu Pathian kutah a hlan a, tui takin an muhil dun thei ta a. Keini pawh hi Pathian a innghat lo hian kan lo buai vak \hin.