Kum 24 hnuah ram dang tlawh thei dawn ta
Myanmar-a eptu pawl hruaitu, Aung San Suu Kyi chuan kum 24 hnuah ram dang a tlawh thei dawn ta. Kum 66 mi, Suu Kyi hi kum 1989 atang khan sawrkar laka hel-ah puhin sipai sawrkarin pawn chhuak thei lo-in a hreng tan a, kum 22 chhungin kum 15 chhung, pawn chhuak thei lo-a hun a hman hnu-ah kum 2010 khan chhuah a ni a, Suu Kyi hian kum 24 chhunga a tum khatna atan Norway a tlawh dawn ta a ni.
Car thlawk thei
Dutch company chuan kum 2004 atanga an lo beih tawh Car thlawk thei an tih mai Pal .V. Europe NV chu hlawhtling takin an test ta a. Car ni mahse helicopter te pawh a ang mah mah. Gasoline engine tho niin Bio diesel leh bio ethanol a hmang kawp thei ang.
World Bank President Thar
USA in an nominated Dr.Jim Yong Kim, Korea a piang, kum 5 a nih laia a pa, Dental doctorin USA a a pempui tak chu khawvel Bank $ 258 billion zet enkawl turin thlan tlin a ni. Dr.Jim Yong Kim hi Harvard University atangin MD a zo a, tin, he University vek a\ang hian anthropology ah Ph.D a zo bawk. A hna chelh mek chu Ivy League University, Darmouth College a President nihna a ni. World Bank-ah hian staff mi 9000 sangkua zet an awm.
